கான முயல்எய்த அம்பினில் யானை
பிழைததவேல் ஏந்தல்இனிது" -குறள்

 We are Proud to say that Dhina suriyan Daily has got approval of DAVP of Govt of India to Publish the Advertisements relating to Central Government (Code – 400235 & 400243). Similarly Dhina Suriyan daily has also got DIPR approval to publish the Advertisement relating to various Departments of Tamil nadu Government (G.O (T) No:92).

என்ன? என்ன? புதிய கட்டுப்பாடுகள்! (கொரோனா ஊரடங்கு நீட்டிப்பு குறித்து முதல்வர் மு.க.ஸ்டாலின் இன்று முக்கிய ஆலோசனை)

சென்னை, ஆக.06
ஊரடங்கு நீட்டிப்பு தொடர்பாக முதல்வர் ஸ்டாலின் ஆலோசனை மேற்கொள்ளவுள்ளார். கொரோனா 2வது அலை கடந்த பிப்ரவரி மாதம் தீவிரம் அடைந்தது.
இதையடுத்து, தமிழகம் முழுவதும் ஊரடங்கு அமல்படுத்தப்பட்டத்து. தொடர்ந்து, கொரோனா குறையத் தொடங்கியதும் பல்வேறு தளர்வுகள் அளிக்கப்பட்டன.
பள்ளி, கல்லூரிகள் உள்ளிட்ட கல்வி நிறுவனங்கள் திறப்பதற்கான தடை, தியேட்டர்களை திறப்பதற்
கான தடை உள்ளிட்ட சில செயல்பாடுகளுக்கு மட்டும் அனுமதி மறுக்கப்பட்டுள்ளது.
கொரோனாவை கட்டுக்குள் கொண்டு வர ஏற்கெனவே அனுமதிக்கப்பட்ட செயல்பாடுகள் தவிர கூடுதலாக எவ்வித தளார்வுகளுமின்றி வருகிற 9ஆம் தேதி காலை 6 மணி வரை ஊரடங்கை தமிழக அரசு நீட்டித்துள்ளது.
அதேசமயம், கடந்த சில நாட்களாக கொரோனா தொற்று மாநிலத்தில் அதிகரித்து வருகிறது.
சென்னை, கோவை உள்ளிட்ட நகரங்களில் பாதிப்பு எண்ணிக்கை அதிகரித்து வருவதால், மக்கள் அதிகமாக கூடும் இடங்களில் கட்டுப்பாடுகள் அதிகப்படுத்தப் பட்டுள்ளன.
அதுதவிர, மேலும் சில மாவட்டங்களிலும் பாதிப்புகளுக்கு ஏற்றவாறு ஆட்சியர்கள் ஊரடங்கு கட்டுப்பாடுகளை தீவிரப்படுத்தியுள்ளனர்.
3ம் அலைக்கான எச்சரிக்கை மணி தொடர்ந்து அடிக்கப்பட்டு வரும் நிலையில், பொது முடக்கம் அமல்படுத்தப்
பட்டால் மட்டுமே பெரியளவிலான பாதிப்பை தடுக்க முடியும் என மருத்துவ வல்லுநர்கள் கருத்து தெரிவித்து வருகின்றனர்.
பாதிப்பு இதே வேகத்தில் சென்று 10 சதவீதத்தை தாண்டும் போது, மீண்டும் பழையபடி கட்டுப்பாடுகள் தமிழகத்தில் அமல்
படுத்தப்பட வாய்ப்புள்ளதாக கூறப்படுகிறது. முதல்வர் ஸ்டாலினும், மீண்டும் ஒரு ஊரடங்கை விதிக்க வைக்கும் நிலைக்கு அரசை தள்ளிவிட வேண்டாம் என்று எச்சரிக்கை விடுத்து வருகிறார்.
இந்த நிலையில், வருகிற 9ஆம் தேதியுடன் தற்போதைய ஊரடங்கு முடிவுக்கு வரவுள்ளது. ஒவ்வொரு முறையும் ஊரடங்கில் தளர்வுகளையோ அல்லது கட்டுப்பாடுகளையோ விதிக்கும் போது, மூத்த அதிகாரிகள், மருத்துவ நிபுணர்கள், இதற்காக அமைக்கப்பட்டுள்ள அனைத்துக் கட்சி பிரதிநிதிகளுடன் கலந்தாலோசித்தே முதல்வர் ஸ்டாலின் அறிவித்து வருகிறார்.
அந்த வகையில், ஊரடங்கு நீட்டிப்பு தொடர்பாக முதல்வர் ஸ்டாலின் நாளை பிற்பகல் 12.30 மணிக்கு ஆலோசனை மேற்கொள்ளவுள்ளார்.
கடந்த முறை போன்று இந்த முறையும் எவ்வித புதிய தளர்வுகளும் வழங்கப்பட வாய்ப்பில்லை என்கிறார்கள் கோட்டை வட்டாரத்தில். அதேசமயம், கூடுதலாக சில கட்டுப்பாடுகளை விதிக்க வாய்ப்பிருப்ப
தாகவும் கூறுகிறார்கள்.