கான முயல்எய்த அம்பினில் யானை
பிழைததவேல் ஏந்தல்இனிது" -குறள்

 We are Proud to say that Dhina suriyan Daily has got approval of DAVP of Govt of India to Publish the Advertisements relating to Central Government (Code – 400235 & 400243). Similarly Dhina Suriyan daily has also got DIPR approval to publish the Advertisement relating to various Departments of Tamil nadu Government (G.O (T) No:92).

என்ன படிக்கலாம்-எங்கு படிக்கலாம்?

விவசாயப் படிப்புகள் என்று எடுத்துக் கொண்டால் கால காலமாக புகழ்பெற்று விளங்குவது பி.எஸ்சி (அக்ரி) என்கிற நான்கு வருடப் பட்டப்படிப்பாகும். தவிர, பி.எஸ்சி தோட்டக் கலைப் படிப்பு, பி.எஸ்சி மனையியல் படிப்பு மற்றும் வனத்துறை சார்ந்த படிப்பும் தமிழ்நாடு வேளாண் பல்கலைக்கழகத்தில் உள்ளன.
தமிழகத்தைப் பொறுத்தவரை அண்ணா பல்கலைக்கழகத்தின் கீழ் உள்ள பொறியியல் கல்லூரிகளில் சி.இ.ஜி. எனப்படும் கிண்டி பொறியியல் கல்லூரி, ஏ.சி.டெக், எம்.ஐ.டி, எஸ்.ஏ.பி எனப்படும் ஆர்க்கிடெக்சர் கல்லூரி ஆகிய நான்கும் அண்ணா பல்கலைக்கழகத்தின் நேரடி கல்லூரிகள்.
மருத்துவத்தைப் பொறுத்தவரை எம்.பி.பி.எஸ். அளவுக்கு சமீப ஆண்டுகளில் அதிக முக்கியத்துவம் பெறுகிற ஒன்று மாற்று மருத்துவப் படிப்புகள். அதாவது, ஆயுர்வேத படிப்பான பி.ஏ.எம்.எஸ்., சித்த மருத்துவத்தின் பி.எஸ்.எம்.எஸ்., ஹோமியோபதி, இயற்கை மருத்துவம் சார்ந்த படிப்புகள் உள்ளன. இவை தவிர, துணை மருத்துவ படிப்புகளான பி.பார்ம் எனப்படும் மருந்தியியல் பட்டப்படிப்பு, பி.பி.டி. எனப்படும் பிசியோ தெரபி, பி.ஓ.டி. எனப்படும் அக்குபேஷன் தெரபி, ஆப்டோ மெட்ரி எனப்படும் கண் மருத்துவப் பட்டயப்படிப்பு ஆகியவையும் புகழ்பெற்றவை.
தேசிய அளவில் புகழ்பெற்ற தேசிய சட்ட கல்லூரி எனப்படும் அகில இந்திய சட்டக் கல்லூரிகள் பல்வேறு மாநிலங் களிலும் உள்ளன. இவற்றுள் டி.என்.என்.எல்.எஸ். எனப்படும் தமிழ்நாடு தேசிய சட்ட கல்லூரி திருச்சியில் செயல்படுகிறது. இவை அனைத்திலும் பிளஸ்-2 முடித்தவர்கள் 5 ஆண்டு சட்டப் படிப்பு சேர சி.எல்.ஏ.டி. எனப்படும் பொது சட்ட நுழைவுத் தேர்வினை எழுத வேண்டும். ஆனால் தமிழகத்தில் டாக்டர் அம்பேத்கர் சட்டப் பல்கலைக்கழகத்தின் கீழ் சென்னை, மதுரை, திருச்சி, கோவை, நெல்லை, செங்கல்பட்டு, வேலூர் ஆகிய 7 இடங்களில் உள்ள அரசு சட்டக் கல்லூரிகளில் சேர நுழைவுத்தேர்வு கிடையாது.
ஊடகத் துறையைப் பொறுத்தவரை புகழ்பெற்ற ஒரு படிப்பு பி.எஸ்சி (விசுவல் கம்யூனிகேஷன்) விஸ்காம். இதற்கு அடுத்த ஒன்று பி.எஸ்சி (எலக்ட்ரானிக் மீடியா), பி.எஸ்சி (அனிமேஷன்), (பிலிம் மற்றும் டி.வி. புரடக் ஷன்), பி.ஏ. (ஜர்ன லிசம்) ஆகியவையும் ஊடகத்துறையில் சாதிக்க உதவும் படிப்புகளாகும்.
பேச்சுலர் ஆப் ஃபைன் ஆர்ட்ஸ் என்னும் 4 வருட ஏ.எப்.ஏ. பட்டப்படிப்பு சென்னை எழும்பூரிலுள்ள 150 ஆண்டுகள் பழமைவாய்ந்த அரசு ஓவியக் கல்லூரியிலும், கும்பகோணத்தில் உள்ள அரசு ஓவியக் கல்லூரியிலும் உள்ளது. துணி அலங்காரம், செராமிக் வடிவமைப்பு, தகவல் தொழில்நுட்பத்தில் வடிவமைப்பு, ஓவியம் என பல சிறப்புப் பாடப் பிரிவுகளில் பட்டப்படிப்பை சொல்லித்தரும் இந்த கல்லூரிகளில் கல்விக் கட்டணமும் மிகக் குறைவு.
காலம் காலமாக நம் கலை அறிவியல் கல்லூரிகளில் இருந்து வருகிற ஒரு படிப்புதான் பி.ஏ.ஆங்கில இலக்கியம். இருப்பினும், சமீப காலமாக இதற்கான மவுசு கூடியிருக்கிறது. இவர்களை அதிகம் ஈர்க்கிற ஒரு துறை ஊடகம். இப்பொழுது நிறைய பன்னாட்டு நிறுவனங்களும் கலை, அறிவியல் கல்லூரி களுக்கு சென்று கேம்பஸ் இன்டர்வியூ மூலம் இவர்களை பணியில் அமர்த்துவதை வாடிக்கையாகக் கொண்டுள்ளன.
பெண்களுக்கு அதிகம் பொருத்தமான துறைகளில் ஒன்று தான் உளவியல். இத்துறை சார்ந்த பி.எஸ்சி (உளவியல்) பட்டப்படிப்பு இன்று ஆண், பெண் இருபாலரும் விரும்புகிற படிப்பாக மாறியிருக்கிறது. மேலும், வேலை வாய்ப்பு களிலும் அதிக முக்கியத்துவம் பெறுகிறது.