கான முயல்எய்த அம்பினில் யானை
பிழைததவேல் ஏந்தல்இனிது" -குறள்

 We are Proud to say that Dhina suriyan Daily has got approval of DAVP of Govt of India to Publish the Advertisements relating to Central Government (Code – 400235 & 400243). Similarly Dhina Suriyan daily has also got DIPR approval to publish the Advertisement relating to various Departments of Tamil nadu Government (G.O (T) No:92).

கோவையில் இன்று முதல்வர் மு.க.ஸ்டாலின் ஆய்வு!

கோவை, மே 30-
முதல்வர் மு.க.ஸ்டாலின் இன்று மாலை கோவை கிளம்புகிறார். நாளை கோவையில் பல்வேறு இடங்களில் ஆய்வு மேற்கொள்கிறார்.
இந்தியாவிலேயே தமிழகத்தில்தான் தினசரி கொரோனா பாதிப்பு அதிகரித்து வருகிறது. தமிழகத்திலேயே அதிகபட்சமாக கோவையில்தான் பாதிப்பு அதிகரித்து வருகிறது இந்நிலையில் பாதிப்பு அதிகமாக உள்ள கோவை மற்றும் அதை சுற்றியுள்ள மாவட்டங்களில் தடுப்பு நடவடிக்கைகள் தீவிரப்படுத்தப்பட்டுள்ளன. அமைச்சர்கள், அதிகாரிகள் கோவையில் மையமிட்டு தடுப்பு பணிகளை மேற்கொண்டு வருகின்றனர். முதல்வர் இதுதொடர்பாக அவர் வெளியிட்டுள்ள அறிக்கையில், கடந்த ஒரு வார ஊரடங்கு காரணமாக நோய்த்தொற்று எண்ணிக்கை ஓரளவு குறைந்து வருகிறது. மேலும் பாதிப்பு குறைந்திடவே ஊரடங்கு நீட்டிப்பு செய்யப்பட்டுள்ளது. பொதுமக்கள் யாரும் தேவையின்றி வெளியே வருவதற்கு அவசியமற்ற நிலையை உருவாக்குவதில் அரசு முழு முனைப்புடன் செயலாற்றி வருகிறது கோவை மற்றும் அதனை சுற்றியுள்ள மாவட்டங்களில் பாதிப்பு எண்ணிக்கை அதிகரிப்பதை கவனத்தில் கொண்டு நாளை(மே 30) கோவைக்கு நேரடி பயணம் மேற்கொள்கிறேன். அவசர கால பயணம் என்பதால் கழக நிர்வாகிகள் யாரும் நேரில் வரவேற்பதற்கும், சந்திப்பதற்கும் ஆர்வம் காட்ட வேண்டாம்.
உணவுக்கு யாரும் பரிதவிக்காத வகையில் ஒன்றிணைவோம் வா செயல்பாட்டின் அடிப்படையில் பசியைப் போக்கும் பணியில் தொடர்ந்து ஈடுபட வேண்டுகிறேன். தமிழ்நாட்டில் ஒருவர்கூட பசியால் வாடவில்லை என்கின்ற நிலையை உருவாக்குவோம் என்று தெரிவித்துள்ளார்.