கான முயல்எய்த அம்பினில் யானை
பிழைததவேல் ஏந்தல்இனிது" -குறள்

 We are Proud to say that Dhina suriyan Daily has got approval of DAVP of Govt of India to Publish the Advertisements relating to Central Government (Code – 400235 & 400243). Similarly Dhina Suriyan daily has also got DIPR approval to publish the Advertisement relating to various Departments of Tamil nadu Government (G.O (T) No:92).

இன்று முதல் பஸ் போக்குவரத்து! (டிரைவர்-கன்டெக்டர்கள் உஷாராக இருக்க தமிழக அரசு கிடுக்கு பிடி உத்தரவு)

சென்னை, செப்.07
பல மாதங்களுக்கு பிறகு பேருந்துகள் இயக்கப்படவுள்ள நிலையில், ஓட்டுநர் மற்றும் நடத்துநர்களுக்கு முக்கிய வழிமுறைகள் வெளியிடப்பட்டுள்ளன.
தமிழகத்தில் கொரோனா வைரஸ் தொற்று காரணமாக கடந்த மார்ச் மாதம் முதல் தடுப்பு நடவடிக்கைகள் மேற்கொள்ளப்பட்டு வருகின்றன.
தொடர்ச்சியான ஊரடங்கு உத்தரவால் பல மாதங்களாக பேருந்து போக்குவரத்து இயக்கப்படவில்லை. இதனால் பொதுமக்கள் பெரும் சிரமத்திற்கு ஆளாகினர். மாநிலம் முழுவதும் தளர்வுகள் அறிவிக்கப்பட்டு பலரும் தங்கள் பணியிடங்களுக்கு திரும்பினர்.
ஆனால் பொதுப் போக்குவரத்து இல்லாததால் தனியார் வாகனங்களை நாட வேண்டிய சூழல் இருந்தது. இந்நிலையில் கடந்த வாரம் மாவட்டத்திற்குள் பேருந்துகள் இயக்கப்படலாம் என்று அறிவிக்கப்பட்டது.
இதன் தொடர்ச்சியாக வரும் 7ஆம் தேதி முதல் மாவட்டங்களுக்கு இடையில் பேருந்துகள் இயக்கலாம் என்று அனுமதி அளிக்கப்பட்டுள்ளது.
இதையட்டி பேருந்துகள் முழு வீச்சில் தயாராகி வருகின்றன. பேருந்து பயன்பாட்டிற்கு பல்வேறு வழிகாட்டுதல்கள் பிறப்பிக்கப்பட்டுள்ளன. அதாவது பயணத்திற்கு முன்பும், பின்பும் பேருந்து கிருமிநாசினி கொண்டு சுத்தம் செய்யப்பட வேண்டும்.
போதிய சரீர இடைவெளியுடன் பயணிகள் அனுமதிக்கப்பட வேண்டும். அதேசமயம் முகக்கவசம் கட்டாயம் அணிந்திருக்க வேண்டும். கொரோனா நோய்த்தொற்றுக்கான அறிகுறிகள் தென்பட்டால் அவர்களை பேருந்தில் ஏற்றக் கூடாது உள்ளிட்ட வழிகாட்டுதல்கள் வெளியிடப்பட்டுள்ளன.
இந்நிலையில் ஓட்டுநர் மற்றும் நடத்துநர்கள் பேருந்து இயக்கத்தின் போது கடைபிடிக்க வேண்டிய வழிமுறைகளை அரசு விரைவுப் போக்குவரத்துக் கழகம் நேற்று வெளியிட்டுள்ளது.
அதன்படி, கடந்த ஐந்து மாதங்களாக பேருந்துகள் இரவில் ஓய்வில் இருந்துள்ளன. இந்த சூழலில் இனிவரும் காலங்களில் இரவு நேரங்களில் பேருந்தை கவனமாக இயக்க வேண்டும்.
இரவு 12 மணி முதல் அதிகாலை 4 மணி வரை நடத்துநர்கள் கண்டிப்பாக இருக்கையில் அமர்ந்திருக்க வேண்டும். அப்போது ஓட்டுநர்களுக்கு விழிப்புணர்வு ஏற்படுத்தும் வகையில் பணிபுரிய வேண்டும்.
வழித்தடங்களில் இருசக்கர வாகனங்கள் அதிகமாக இயக்கப்படுவதால் கவனமாக பணிபுரிய வேண்டும். வழித்தடங்களில் தடுப்புகள் அதிகளவில் வைக்கப்பட்டுள்ளன. இவற்றைக் கருத்தில் கொண்டு கவனமாக இயக்க வேண்டும்.
நகர எல்லைக்குள் போக்குவரத்து நெரிசல் அதிகமாக உள்ளது. எனவே இப்பகுதிகளில் பேருந்து மிகவும் கவனமாக இயக்க வேண்டும்.
இவ்வாறு அனைத்து ஓட்டுநர்கள் மற்றும் நடத்துநர்களுக்கு அறிவுரை வழங்கி பணிக்கு அனுப்பி வைக்க வேண்டும் என்று அனைத்து கிளை மேலாளர்கள் மற்றும் கோட்ட மேலாளர்களுக்கு கடிதம் எழுதப்பட்டுள்ளது.