கான முயல்எய்த அம்பினில் யானை
பிழைததவேல் ஏந்தல்இனிது" -குறள்

 We are Proud to say that Dhina suriyan Daily has got approval of DAVP of Govt of India to Publish the Advertisements relating to Central Government (Code – 400235 & 400243). Similarly Dhina Suriyan daily has also got DIPR approval to publish the Advertisement relating to various Departments of Tamil nadu Government (G.O (T) No:92).

தமிழகத்தில் பிளஸ் 2 மாணவர்களுக்கு மே 3-ம் தேதி நடக்கவிருந்த தேர்வு தள்ளிவைப்பு

சென்னை, ஏப்.13&
பிளஸ் 2 பொதுத்தேர்வு சமூக இடைவெளியை பின்பற்றி நடத்தப்படும் என தேர்தல் இயக்குனர் தெரிவித்துள்ளார்.
கொரோனா பரவல் காரணமாக கடந்த வருடம் மார்ச் மாதம் முதல் டிசம்பர் வரை பள்ளிகள் மூடப்பட்டன. இந்நிலையில், கடந்த கல்வியாண்டு முழுவதும் ஆன்லைன் மூலமாக மாணவர்களுக்கு பாடம் எடுக்கப்பட்டு வந்தது.
ஆனால் அதிலும், மாணவர்களுக்கு ஏற்பட்ட சிரமத்தை கருத்தில் கொண்டு, பாடத்திட்டங்கள் குறைக்கப்பட்டன. மேலும், இந்த கல்வியாண்டில் மாணவர்கள் மற்றும் ஆசிரியர்கள் எதிர்கொண்ட அசாதாரண சூழ்நிலையைக் கருத்தில் கொண்டும், பெற்றோர்களின் கோரிக்கையைக் கருத்தில் கொண்டும், கல்வியாளர்களின் கருத்துகளைப் பரிசீலித்தும், 2020-&21ஆம் கல்வியாண்டில் 1ம் வகுப்பு முதல் 9, 10, 11-ம் வகுப்பு மாணவர்கள் முழு ஆண்டுத் தேர்வுகள் மற்றும் பொதுத் தேர்வுகள் ஏதுமின்றி தேர்ச்சி பெற்றதாக அரசு அறிவித்தது.
அதே சமயம் திட்டமிட்டபடி 12ம் வகுப்பு பொதுத்தேர்வுகள் நடக்கும் என பள்ளி கல்வித்துறை தெரிவித்தது. அதனை தொடர்ந்து பிப்ரவரியில் பொது தேர்வு அட்டவணையும் வெளியானது. இந்நிலையில், முந்தைய அட்டவணையின்படி மே 3ஆம் தேதி நடைபெற இருந்த மொழிப்பாட தேர்வு தேதி மட்டும் மாற்றம் செய்யப்பட்டுள்ளது. அதன்படி,மொழித்தாள் தேர்வு மே 3க்கு பதிலாக மே 31ஆம் தேதிக்கு மாற்றப்பட்டுள்ளது. அதே சமயம் மற்ற பாட தேர்வுகள் அட்டவணையின்படி நடக்கும் என அறிவிக்கப்பட்டுள்ளது. எனவே மே 5ம் தேதியில் இருந்து ஆங்கில பாட தேர்வுடன் பொது தேர்வுகள் நடக்கவுள்ளன.
முன்னதாக வெளியிடப்பட்டிருந்த அட்டவணை:

  1. மே 3 :மொழித்தாள், (மே 31க்கு மாற்றப்பட்டுள்ளது)
    2.மே 5 :ஆங்கிலம்
    3.மே 7 :கணிணி அறிவியல், உயிரி அறிவியல், அரசியல் அறிவியல், புள்ளியியல் தேர்வுகள்
    4.மே 11 :இயற்பியல், பொருளாதாரம், கணினி தொழில்நுட்பம்
    5.மே 17 :கணிதம், விலங்கியல்
    6.மே19 :உயிரியியல் வரலாறு
    7.மே 21 :வேதியியல், கணக்குப்பதிவியல்