கான முயல்எய்த அம்பினில் யானை
பிழைததவேல் ஏந்தல்இனிது" -குறள்

 We are Proud to say that Dhina suriyan Daily has got approval of DAVP of Govt of India to Publish the Advertisements relating to Central Government (Code – 400235 & 400243). Similarly Dhina Suriyan daily has also got DIPR approval to publish the Advertisement relating to various Departments of Tamil nadu Government (G.O (T) No:92).

தமிழகத்தில் பிளஸ் 2 தேர்வு முடிவுகள் இன்று வெளியீடு! (அமைச்சர் அன்பில் மகேஷ் பொய்யாமொழி காலை 11 மணிக்கு வெளியிடுகிறார்)

சென்னை, ஜூலை.19&
தமிழகத்தில், 12-ம் வகுப்பு பொதுத் தேர்வு முடிவுகள் இன்று காலை 11 மணிக்கு வெளியாக உள்ளன. தமிழகம் உட்பட நாடு முழுவதும், கொரோனா வைரஸ் தொற்றின் இரண்டாவது அலை காரணமாக, 12-ம் வகுப்பு மாணவர்களுக்கு பொதுத் தேர்வுகள் ரத்து செய்யப்பட்டன.
மாணவர்களுக்கு மதிப்பெண் வழங்குவது குறித்து தனி கமிட்டி அமைக்கப்பட்டு மதிப்பெண்கள் கணக்கீடு செய்யப் பட்டன.
இந்நிலையில், தமிழகத்தில் 12-ம் வகுப்பு பொதுத் தேர்வு முடிவுகள் இன்று (19-ம் தேதி திங்கட்கிழமை) காலை 11 மணிக்கு வெளியிடப்படும் என தமிழக அரசு அறிவித்திருந்தது.
அதன்படி, இன்று காலை 11 மணிக்கு, 12-ம் வகுப்பு தேர்வு முடிவுகளை, பள்ளிக்கல்வித் துறை அமைச்சர் அன்பில் மகேஷ் பொய்யாமொழி வெளியிடுகிறார்.
12-ம் வகுப்பு பொதுத் தேர்வு முடிவுகளை, www.tnresults.nic.in, www.dge1.tn.nic.in , www.dge2.tn.nic.in , www.dge.tn.gov.in  ஆகிய இணைய
தளங்களில் மாணவர்கள் தெரிந்துகொள்ள
லாம் என்றும் அறிவிக்கப்பட்டுள்ளது.
மாணவர்கள் தங்களது பதிவெண் மற்றும் பிறந்த தேதியை பதிவு
செய்து, மதிப்பெண்களுடன் கூடிய தேர்வு முடிவுகளை அறிந்து கொள்ளலாம் என்றும் அரசுத் தேர்வுகள் இயக்ககம் அறிவித்துள்ளது.
மேலும், மாணவர்கள் பள்ளிகளில் சமர்ப்பித்த உறுதிமொழிப் படிவத்தில் குறிப்பிட்டுள்ள கைப்பேசி எண்ணுக்கு குறுஞ்செய்தியாகவும் தேர்வு முடிவுகள் அனுப்பி வைக்கப்படும் என்றும் அறிவிக்கப்பட்டுள்ளது.
இதைத் தொடர்ந்து வரும் 22-ம் தேதி காலை 11 மணி முதல், www.dge.tn.gov.in, www.dge.tn.nic.in என்ற இணையதளங்களில் தங்களது பதிவெண் மற்றும் பிறந்த தேதியை பதிவு செய்து, தங்களுக்கான மதிப்பெண் பட்டியலை தாங்களே பதிவிறக்கம் செய்து கொள்ளலாம் என்றும் அறிவிக்கப்பட்டுள்ளது.