கான முயல்எய்த அம்பினில் யானை
பிழைததவேல் ஏந்தல்இனிது" -குறள்

 We are Proud to say that Dhina suriyan Daily has got approval of DAVP of Govt of India to Publish the Advertisements relating to Central Government (Code – 400235 & 400243). Similarly Dhina Suriyan daily has also got DIPR approval to publish the Advertisement relating to various Departments of Tamil nadu Government (G.O (T) No:92).

ஒரே நாடு ஒரே ரேஷன் திட்டம் எடப்பாடி பழனிசாமி இன்று தொடங்கி வைக்கிறார்

சென்னை, அக்.01
தமிழகத்தில் ஒரே நாடு ஒரே ரேஷன் திட்டத்தை முதல்வர் எடப்பாடி பழனிசமி இன்று தொடங்கி வைக்கவுள்ளார்
பிரதமர் மோடி தலைமையிலான பாஜக அரசு 2வது முறையாக பொறுப்பேற்ற பின்னர் ஒரே நாடு ஒரே ரேஷன் திட்டம் கொண்டு வரப்பட்டது. இதன் மூலம் நாடு முழுவதும் எந்த ரேஷன் கடைகளிலும் பொருட்கள் வாங்கிக் கொள்ளலாம். பணி நிமித்தமாக அடிக்கடி இடம் மாறுபவர்களை கருத்தில் கொண்டு இத்திட்டம் கொண்டு வரப்பட்டதாக மத்திய அரசு தெரிவித்தது.
கேரளா, ஆந்திரா உள்ளிட்ட 12 மாநிலங்களில் ஜனவரி 1ஆம் தேதி இந்த திட்டம் அமல்படுத்தப்பட்டது. தமிழகத்தை பொறுத்தவரை இந்த திட்டம் அமல்படுத்தப்படும் என தெரிவித்த தமிழக அரசு இதற்கான அரசாணையை வெளியிட்டது. இதனைத்தொடர்ந்து, முதற்கட்டமாக திருநெல்வேலி, தூத்துக்குடி மாவட்டங்களில் சோதனை முறையில் ஒரே நாடு ஒரே ரேஷன் திட்டம் அமலுக்கு வந்தது.
அதன் தொடர்ச்சியாக தமிழகம் முழுவதும் ஏப்ரல் 1ஆம் தேதி முதல் ஒரே நாடு ஒரே ரேஷன் திட்டம் அமல்படுத்தப்படுவதாக அமைச்சர் காமராஜ் சட்டப்பேரவையில் அறிவித்தார். எனினும், கொரோனா தொற்று காரணமாக அது நிறுத்தப்பட்டது. இந்த நிலையில், இன்று (அக்.1) முதல் ஒரே நாடு ஒரே ரேஷன் திட்டம் தமிழகத்தில் செயல்படுத்தப்படும் என உணவுத்துறை அமைச்சர் காமராஜ் தெரிவித்திருந்தார்.
அதன்படி, ஒரே நாடு ஒரே ரேஷன் திட்டம் தமிழகத்தில் இன்று துவங்கப்படவுள்ளது.
முதல்வர் எடப்பாடி பழனிசாமி இத்திட்டத்தை தொடங்கி வைக்கவுள்ளார். தமிழகத்தில் தற்போது 2.05 கோடி ரேஷன் கார்டுகள் உள்ள நிலையில், 35,233 ரேஷன் கடைகள் செயல்பட்டு வருகின்றன. இந்த திட்டத்தின் மூலம் குடும்ப அட்டைதாரர்கள் எந்த ரேஷன் கடைகளிலும் பொருட்களை பெற முடியும்.