கான முயல்எய்த அம்பினில் யானை
பிழைததவேல் ஏந்தல்இனிது" -குறள்

 We are Proud to say that Dhina suriyan Daily has got approval of DAVP of Govt of India to Publish the Advertisements relating to Central Government (Code – 400235 & 400243). Similarly Dhina Suriyan daily has also got DIPR approval to publish the Advertisement relating to various Departments of Tamil nadu Government (G.O (T) No:92).

அமைச்சர்கள், எம்.எல்.ஏ.க்களுக்கு கொரோனா டெஸ்ட்! (வீட்டுகளுக்கே நேரில் சென்று நடத்தப்பட்டது… 14-ம் தேதி சட்டசபை கூட்டம் எதிரொலி)

சென்னை, செப்.12
விரைவில் சட்டமன்ற கூட்டத்தொடர் தொடங்க
வுள்ளதை அடுத்து அனைத்து எம்.எல்.ஏக்களுக்கும் வைரஸ் பரிசோதனை தொடங்கியுள்ளது.
தமிழகத்தில் கொரோனா வைரஸ் பரவல் காரணமாக சட்டமன்ற கூட்டத்தொடர் நடைபெறும் இடம் மாற்றப்பட்டுள்ளது.
அதாவது தலைமைச் செயலகத்திற்கு பதிலாக கலைவாணர் அரங்கில் போதிய சரீர இடை
வெளி விட்டு அமரும் வகையில் வரும் 14ஆம் தேதி முதல் கூட்டத்தொடரை நடத்த ஏற்பாடு செய்யப்பட்டுள்ளது.
இதுதொடர்பாக சுகாதாரத்துறை அமைச்சர் விஜயபாஸ்கர், சபாநாயகர் தனபால், தலைமைச் செயலாளர் சண்முகம் மற்றும் பல்வேறு துறை சார்ந்த அதிகாரிகளுடன் சட்டமன்ற செயலாளர் சீனிவாசன் ஆலோசனை நடத்தினார்.
அதில், சட்டமன்ற கூட்டத்
தொடர் தொடங்குவதற்கு 72 மணி நேரத்திற்கு முன்பாக அனைத்து எம்.எல்.ஏக்களுக்கும் கட்டாய கொரோனா பரிசோதனை செய்ய வேண்டும் என்று முடிவு செய்யப்பட்டது.
இதற்காக நேற்று முதல் எம்.எல்.ஏக்கள் வசிக்கும் இல்லங்களுக்கே சென்று சம்பந்தப்பட்ட மாவட்ட சுகாதாரத்துறை அதிகாரிகள் மூலம் கொரோனா பரிசோதனை செய்ய ஏற்பாடு செய்ய திட்டமிடப்பட்டது.
மேலும் சட்டமன்ற கூட்டத்தொடருக்கு வருகை தரும் சட்டமன்ற ஊழியர்கள், பாதுகாவலர்கள், அனைத்துத் துறை அதிகாரிகள், பத்திரிகையாளர்கள் உள்ளிட்டோர் கொரோனா பரிசோதனை செய்து அதற்கான நெகடிவ் சான்றிதழை உடன் வைத்திருக்க வேண்டும்.
சட்டமன்ற செயலகம் வழங்கும் அனுமதிச்சீட்டு வை த்திருக்க வேண்டும். அவர்கள் மட்டும் தான் கூட்டத்தொடர் நடைபெறும் மூன்றாவது தளத்தில் அனுமதிக்கப்படுவர் என்று வலியுறுத்தப்பட்டது.
இந்நிலையில் அனைத்து எம்.எல்.ஏக்கள் மற்றும் அமைச்சர்களுக்கு நேற்று
காலை கொரோனா பரிசோ
தனை தொடங்கியுள்ளது.
இதையட்டி சம்பந்தப்
பட்ட எம்.எல்.ஏக்களின் குடி
யிருப்பு வளாகத்திலும், சட்ட
மன்ற செயலக வளாகத்
திலும் ஏற்பாடுகள் செய்யப்
பட்டுள்ளன. இதற்கான பணிகளில் சுகாதாரத்துறை பணியாளர்கள் ஈடுபட்
டுள்ளனர்.
வரும் 14ஆம் தேதி தொடங்
கும் சட்டமன்ற கூட்டத்தொடர் அடுத்த மூன்று நாட்களுக்கு மட்டும் நடைபெறும் என்று தெரிவிக்கப்பட்டுள்ளது.
ஆனால் கூட்டத்தொடரை குறைந்தபட்சம் 7 நாட்க
ளாவது நடத்த வேண்டும் என்று எதிர்க்கட்சி துணைத் தலைவர் துரைமுருகன் வலியுறுத்தி இருந்தார்.
அப்போது தான் தமிழகப் பிரச்சினைகள் குறித்து பேச நேரம் கிடைக்கும் என்று வலியுறுத்தினார்.