கான முயல்எய்த அம்பினில் யானை
பிழைததவேல் ஏந்தல்இனிது" -குறள்

 We are Proud to say that Dhina suriyan Daily has got approval of DAVP of Govt of India to Publish the Advertisements relating to Central Government (Code – 400235 & 400243). Similarly Dhina Suriyan daily has also got DIPR approval to publish the Advertisement relating to various Departments of Tamil nadu Government (G.O (T) No:92).

தனியார் மருத்துவமனைகளிலும் இலவச தடுப்பூசி திட்டம்! (சென்னை காவேரி மருத்துவமனையில் முதல்வர் மு.க.ஸ்டாலின் தொடங்கி வைத்தார்)

சென்னை, ஜூலை.29
தனியார் மருத்துவ மனைகளிலும் இலவச
மாக தடுப்பூசி போடப்படும் திட்டத்தை முதல்வர் ஸ்டாலின் நேற்று தொடங்கி வைத்துள்ளார்.
தமிழகத்தில் கொரோனா வைரஸ் பரவலை தடுக்கும் வகையில் தடுப்பூசி போடும் பணிகள் முடுக்கி விடப்பட்டுள்ளன.
அரசு சார்பில் இலவசமாகவும், தனியார் மருத்துவமனைகளில் கட்டணம் செலுத்தியும் போட்டு கொள்ளும் வசதி இருக்கிறது. இந்நிலையில் பொதுமக்கள் நலன் கருதி தனியார் மருத்துவ மனைகளிலும் இலவசமாக தடுப்பூசி போட்டுக் கொள்ளும் திட்டத்தை தொடங்க திட்டமிடப்பட்டது.
அதன்படி, சென்னை காவேரி மருத்துவ
மனையில் இந்திய தொழிற் கூட்டமைப்பு மற்றும் தனியார் மருத்துவமனைகள் இணைந்து, தனியார் நிறுவனங்கள் மற்றும்
தனியார் மருத்துவமனைகளின் கூட்டாண்மை சமூகப் பங்களிப்பு நிதியின் மூலம் நடத்தும் இலவச கோவிட் தடுப்பூசி செலுத்தும் சேவையை முதல்வர் மு.க.ஸ்டாலின் நேற்று தொடங்கி வைத்தார்.
தடுப்பூசி செலுத்தி கொண்டவர்களுக்கு சான்றிதழ்களையும் வழங்கினார். இந்த நிகழ்ச்சியில், மக்கள் நல்வாழ்வுத்துறை அமைச்சர் மா.சுப்பிரமணியன், சட்டமன்ற உறுப்பினர்கள் மருத்
துவர் என்.எழிலன் மற்றும் த.வேலு, மருத்துவம் மற்றும் மக்கள் நல்வாழ்வுத்துறை முதன்மைச் செயலாளர் ஜெ.ராதாகிருஷ்ணன், சென்னை மாநகராட்சி ஆணையர் ககன்தீப் சிங் பேடி, தமிழ்நாடு சுகாதாரத் திட்ட இயக்குநர் உமா, சென்னை மாநகராட்சி துணை ஆணையர் (சுகாதாரம்) எஸ்.மனீஷ், பொது சுகாதாரம் மற்றும் நோய்த் தடுப்பு மருந்துத்துறை இயக்குநர் செல்வவிநாயகம் உள்ளிட்டோர் கலந்து கொண்டனர்.அதனைத் தொடர்ந்து, தமிழக முதல்வர் அவர்களிடம், இலவச கோவிட் தடுப்
பூசி செலுத்தும் பணிக்கு இந்திய தொழிற் கூட்டமைப்பு தலைவர் டாக்டர் சந்திரகுமார் அவர்கள், இந்திய தொழிற் கூட்டமைப்பின் கூட்டாண்மை சமூகப் பங்களிப்பு நிதியிலிருந்து 2 கோடியே 20 லட்சம் ரூபாய்க்கான காசோலையும், அடையாறு ஆனந்தபவன் சார்பில் அதன் நிர்வாக இயக்குநர் டாக்டர் கே.டி. சீனிவாச ராஜா அவர்கள் 7 லட்சம் ரூபாய்க்கான காசோலையும் வழங்கினார்கள்.
கொரோனா தொற்றைக் கட்டுப்படுத்துவதற்குப் பொது
மக்கள் அனைவருக்கும் தடுப்பூசி போட வேண்டியதன் அவசியத்தை முதல்வர் தொடர்ந்து வலியுறுத்தி வருகிறார். இது தொடர்பாகப் பல்வேறு விழிப்புணர்வுப் பணிகளும் அரசின்
சார்பாக மேற்கொள்ளப்பட்டு வருகின்றன.
மாநிலத்தில் தற்போது வரை அரசு மற்றும் தனியார் தடுப்பூசி மையங்களின் மூலம் 2,15,17,446 பயனாளிகளுக்கு கோவிட் தடுப்பூசி செலுத்தப்பட்டுள்ளது.