கான முயல்எய்த அம்பினில் யானை
பிழைததவேல் ஏந்தல்இனிது" -குறள்

 We are Proud to say that Dhina suriyan Daily has got approval of DAVP of Govt of India to Publish the Advertisements relating to Central Government (Code – 400235 & 400243). Similarly Dhina Suriyan daily has also got DIPR approval to publish the Advertisement relating to various Departments of Tamil nadu Government (G.O (T) No:92).

கொரோனா நிலவரம் குறித்து மருத்துவ நிபுணர்களுடன் முதல்வர் எடப்பாடி பழனிசாமி இன்று மீண்டும் ஆலோசனை

சென்னை, செப்.07
தமிழகத்தில் 4ம்கட்ட பொதுமுடக்க தளர்வுகள் நடைமுறைக்கு வந்துள்ள நிலையில், கொரோனா நிலவரம் குறித்து மருத்துவக் குழுவினருடன் முதல்வர் எடப்பாடி பழனிசாமி செவ்வாய்க்கிழமை (செப்.08) மீண்டும் ஆலோசனை நடத்தவுள்ளார்.
தமிழகத்தில் 4ம்கட்ட பொதுமுடக்க தளர்வுகளை அரசு கடந்த வாரம் (ஆக.30) அறிவித்தது. இதன்படி மாநிலத்தில் செப்.1 ஆம் தேதி முதல் பேருந்து போக்குவரத்து மீண்டும் தொடங்கப்பட்டுள்ளது.
மாவட்டங்களுக்கு இடையேயான பேருந்து போக்குவரத்து சேவையும் இன்று (செப்.07) முதல் தொடங்கப்பட உள்ளது. அத்துடன், சிறப்பு ரயில் போக்குவரத்தும், சென்னையில் மெட்ரோ ரயில் சேவையும் இன்று முதல் மீண்டும் தொடங்கப்படவுள்ளன.
இந்த நிலையில், கொரோனா பரவல் தடுப்பு நடவடிக்கைகள் குறித்து அரசுக்கு பரிந்துரைகளை வழங்க அமைக்கப்பட்டுள்ள மருத்துவ நிபுணர்கள் குழுவினருடன் முதல்வர் எடப்பாடி பழனிசாமி நாளை (செப்.08) மீண்டும் ஆலோசனை நடத்தவுள்ளார்.
அன்றைய தினம் காலை 10 மணியளவில், சென்னை தலைமைச் செயலகத்தில் நடைபெறும் இந்த ஆலோசனைக் கூட்டத்தில் சுகாதாரத் துறை உயரதிகாரிகளும் பங்கேற்ற உள்ளனர்.
தற்போது அறிவிக்கப்
பட்டுள்ள பொதுமுடக்க தளர்வுகளில் முக்கிய அம்சமாக, பொது போக்கு
வரத்துக்கு அனுமதி அளிக்கப்பட்டுள்ள நிலையில், மாநிலத்தில் கொரோனா பாதிப்பு நிலவரம், கொரோனா சிகிச்சை முன்னேற்பாடுகள், மருத்துவ உள்கட்டமைப்பு வசதிகளை அதிகப்படுத்துவது உள்ளிட்
டவை குறித்து மருத்துவ நிபுணர்களுடன் முதல்வர் ஆலோசனை நடத்தவுள்ளார் என்று தலைமைச் செயலக வட்டாரங்கள் தெரிவிக்கின்றன.
முன்னதாக, பொதுமுடக்க தளர்வுகளை அறிவிப்பதற்கு முன்பாக, மருத்துவ நிபுணர் குழுவுடன் முதல்வர் பழனிசாமி கடந்த சனிக்கிழமை (ஆக.29) விரிவாக ஆலோசனை மேற்கொண்டார் என்பது குறிப்பிடத்தக்கது.